15 Bus y 15 Autobus tur nobo di Arubus cla y bendiciona pa subi caya

15 Bus y 15 Autobus tur nobo di Arubus cla y bendiciona pa subi caya

ORANJESTAD(AAN):Na Arubus tabata tin un acto oficial caminda e 30 busnan nobo a ser presenta den forma oficial. Tabata un momento hopi special. Minister Otmar Oduber a hiba palabra. El a splica con e proceso a cana pa asina logra e solucion pa Arubus. Minister e gradici tur esnan cu a logra haci un trabao pa un structura nobo di Arubus. Parlamento di Aruba tambe a haci su parti pa asina gobierno por a logra busca e fianza pa pone Arubus asina leu. No tabata facil pa splica e situacion cu Arubus tabata aden. Ta hopi problema tabata tin cu e busnan cu tabata keda canto di caminda. Awor tin un plan unda Arubus ta habri su halanan pa haci mas servicio. Tur bus nobo lo ta aerocondiciona y lo drenta barrionan cu e 15 autobusnan pa duna servicio unda antes no tabata duna servicio. Nos mester sacrifica e tarifa pa e comunidad tampoco cu e restructuracion nobo. Minister Otmar Oduber a splica cu nan ta bautisa e busnan nobo cu Pader Jairo Maduro pa nan subi caminda cu hopi bendicion. Awor lo tin hopi mas bus pa mantene e rutanan. Ta un honor pa haci e bautizo aki pa brinda e servicio di calidad halto cu Arubus mester duna segun minister Otmar Oduber. Sr Glenn Marrug presidente di hunta di comisario di Arubus a hiba palabra tambe. El a splica cu tabata tin hopi pasenshi cerca e trahadornan. E trahadornan a sostene e plan di restructuracion pa e proyecto aki por a bira realidad. Awe tur hende ta mira e fruto di e prome parti di e plannan. E presidente di e hunta di comisario a gradici e minister pa kere den nan plan. Theo Croes director di Arubus tabata tey tambe pa e ocasion unda a lanza e 30 busnan den forma oficial. E situacion di Arubus tabata hopi malo. Cu abilidad y experiencia di e chofernan Arubus por a completa e servicionan cu e busnan den hopi mal estado. Theo Croes a gradici varios di demas gruponan cu a duna un man pa logra e presentacion di e busnan na Aruba. E prome cuater busnan grandi ta subi caya diamars y pa otro siman tur e busnan grandi lo ta riba caya. E 15 autobusnan lo subi caya dia

14 di sept.