Riba peticion di voorzitter di e comision Sr. Andin Bikker, Arubus a duna un presentacion na e comision di Vaste Staten di Overheids NV’s en Nutsbedrijven. Esaki tawata en conecion cu e lansamento di e projecto nobo di Arubus esta Smartcard. Aki a duna un splikacion amplio di con e sistema ta traha, con e ta bayendo y tambe kiko ta e ventaha nan cu esaki ta trese cu ne pa Arubus. Esnan cu tawata presente ta Sr. Donny Rasmijn, Sr. Chris Dammers, Sr. Sergio Boekhoudt, Sra. Lorna Varlack y tambe Sr. Andin Bikker. Arubus a cuminsa cu introduction , pa medio di Director Sr. Teo Croes y a sigui cu un presentacion amplio riba e sistema nobo aki cu e keda introduci na 29 September 2012, ultimo tambe Sr. Croes a elabora ariba e situacion cu

Arubus ta aden na e momentonan aki y cua ta e planes nan cu tin pa futuro. Depues di e presentacion aki , Arubus a contesta tur pregunta cu e parlamentarionan di e comision aki tawata sinti cu nan kier a hanja mas clarificacion riba dje y mester bisa cu tur e parlamentario nan aki a keda masha satisfecho cu locual nan a tende. Mester bisa tambe cu e reunion aki den su totalidad a bai den un ambiente masha placentero.

Tambe e commission aki a bin cu algun pregunta cu nan tawata kier a hanja clarificacion riba dje, pa locual nan cu tawata Sali den prensa. Aki nan tambe nan a hanja un splicacion hopi amplio for di Arubus y tambe por a keda satisfecho cu ne.