Arubus ta introduci “Smartcard” nan nobo

Centro Kibrahacha ta disfruta di e Electric Bus
October 17, 2013
Promer Advantage Card a wordo entrega
April 23, 2014

Arubus ta introduci “Smartcard” nan nobo

Arubus den cuadro di mehoracion di su servicio y cu su situacion finaciero lo introduci un ajustacion di su tarifa for di 7 April cu 0.25 cent ya cu for di 1998 Arubus ta manehando e mesun Tarifa di 2.25.

Lo bai introduci un carchi jama “Advantage Card” cu lo tin ventaha nan pa nos usario frequente,pero tambe lo bai ta interesante pa nos aumenta nos usario nan y laga nan ser conoci cu Arubus su servicio. Es decir cu lo tin ventaha pa e otro usario nan cu ta menos frequente y algun cu no ta usario ainda. Un di e ventaha nan ta cu no mester paga e Awg 15 pa e carchi, e carchi no ta vence y esun mas interesante ta e parti caminda bo lo por paga Awg 100 y ricibi 50 trip den cua tin 10 trip gratis cu lo significa un descuento na luga di paga 2.25 of 2.50 awor lo costa cada usuario AWG 2.00 so si tene na cuenta e trip nan gratis.E mester wordo usa den 30 dia despues di esaki e ta perde su validez. Lo spaar AWG 25 ariba cada 50 trip. Cu e carchi di 100 trip pa Awg 195.00 e lo significa un descuento di AWG 55 cu lo significa 1.95 so pa trip na luga di 2.50. Aki nan ta dus baha e costo ta baha pa

e usuario. E advantage Card ta obtenibel na oficina di Arubus na Sabana Blanco 67. Atrobe e ventaha nan ta paga menos pa trip y spaar e Awg 15.00 di registracion pa e smartcard.

Manera nos por wak e Advantage card aki lo trese bon beneficio pa tur usario. Tambe den cuadro cu mehoracion di servicio di Arubus lo introduci dia 7 di April 3 diferente carchi.

Un di nan lo ta DAYPASS e daypass lo bay duna e ventaha di por usa e carchi aki pa core un dia completamente haciendo uso di cualkier bus di Arubus ariba cualkier ruta I cuanto viaha cu ta siempre y cuanto ariba e mesun dia.

Retour Card

E carchi nan aki lo por wordo usa pa 2 rit ariba cualkier ruta di Arubus. E carchi nan aki ta valido ariba e mesun dia di uso so.

Baby Beach

Den cuadro di promove parti pariba di nos Isla Arubus lo introduci un carchi special pa Baby Beach e lo tin un tarifa cu lo conta unicamente pa Baby Beach. E lo inclui 4 trip Oranjestad-Sanicolas- Baby beach I vice versa.

Arubus lo bai introduci un booth na station di Arubus na Oranjestad pa suministra information di ruta nan, pero tambe pa benta di e carchi nan aki. E carchi nan aki lo bai ta disponibel na tur e punto di benta nan dus tur caminda cu ta recarga e smartcard di Arubus. Lo bai aumenta e punto nan di benta den area di hotel.

Tur esaki nan lo bay contribui na facilita e operacion di Arubus. E carchi nan aki lo bay trese cu ne cu rij nan largo i wardamento pa paga den bus lo bay baha drasticamente. Cu e carchinan aki e usario nan cu ta paga cash no mester tarda e processo den e sentido di warda cambio for di e chaufeurnan. Pa e chauffeur nan tambe e lo ta un ventaha ja cu nan no mester usa hopi cash mas, dus e risico di haci fout ta menos.

Arubus ta trahando incansablemente na mehora e servicio pa nos usuario nan.

Cada dia nos ta evaluando mas y mas con pa brinda un mihor servicio.

Arubus lo kier a gradece tur su usuario nan cu ta haci uso di Arubus y lo kier a bisa nan cu lo sigi traha na mehoracion di e servicio pa e pueblo di Aruba.

Comments are closed.

Back
Messenger
Email