21 augustus 2013, lo mester tin bo smartcard nobo di anja escolar 2013/2014 pa bo por usa schoolbus.

Pa medio di e comunicado aki Arubus kier a informa

pueblo completo, pero muy en especialmente

E studiante nan cu ta usa nos schoolbus nan como transporte pa School, cu entrante diaranson awor dia 21 augustus 2013, lo mester tin bo smartcard nobo di anja escolar 2013/2014 pa bo por usa schoolbus.

Manera tur hende por a experencia kaba nos a duna un siman extra caminda a permiti mucha nan paga cash den nos schoolbus nan, si nan no tin nan smartcard nobo, pa duna tempo pa nan por a renoba nan smartcard pa anja escolar 2013/2014. E siman extra aki lo termina diamars 20 augustus 2013 y pa e motibo aki nos ta urgi na un y tur especiamente e studiante nan pa renoba nan smartcard pa nan tin esun di anja 2013/2014.

Entrante diaranson 21 augustus 2013 lo mester tin e smartcard 2013/2014 pa por usa nos schoolbus nan. Nos ta pidi un y tur pa tene bon cuenta cu esaki.

 

Nos ta recorda cu pa renoba bo smartcard mester pasa na oficina principal di Arubus na Sabana Blanco 67 durante ora di oficina cual ta di 8:00 am nonstop te cu 3:30 pm. Korda cu mester trese un identificacion valido, prueba di school y Awg 15,-

Arubus ta haciendo un esfuerzo pa pone tur hende na altura di e informacion y evita pa por tin cualkier mal entendimiento na momento cu e studiante nan ta haci uso di nos busnan di school.