Diaranson 15 Augustus 2012, pa 10 or di mainta na oficina di Arubus na Sabana Blanco a tuma lugar un reunion informativo entre algun chauffeur di Autobusnan di Aruba y Arubus NV. Un reunion cu a bai den un ambiente masha ameno y

caminda ambos partido a trese nan preocupacion nan dilanti. E preocupacion mas grandi cu e chaufeurnan di autobus a trese dilanti tawata cual consecuencia e operacion di e autobusnan di Arubus NV lo bai tin pa nan. Di parti di Arubus a bin splicacion detaya cu e autobus nan di Arubus NV lo bai core solamente e ruta nan cu e busnan grandi tawata core. Mester bisa cu ambos a sali masha contento for di e reunion y asina demostra cu bon comunicacion ta trese un union. “Nos tur ta biba di transporte publico y trahando den union cu otro ta beneficia nos tur”. Esaki tawata algun di e palabra nan cu a bin dilanti den e reunion. Presente tawata tin Autobus di Noord, San Nicolaas y tambe Santa Cruz.
Di awor en adelante lo por spera riba un bon relacion entre e 2 partidonan.